УИХ-ын гишүүн Ц.Даваасүрэн "УИХ-ын гишүүд, улстөрчдөдөө би нэг зүйлийг уриалмаар байна. Гадаадын бусад оронд болж буй сонгуулийг харахаар улстөрчид нь ажлын байр амлаж байгаа юм. Иргэд нь ажлын байр нэхэж байна. Гэтэл манайд халамж. Улстөрч нь ч халамж. Би эхчүүдэд, олон хүүхэдтэй айлд мөнгө өгөхийг буруутгахгүй байна, өгөх л ёстой байх. Баян, боломжтой айлын хүүхдүүдэд мөнгө өгч яах гээд байгаа юм бэ.

Нүүрснийхээ мөнгөөр ялгадас үйлдвэрлэж яах гээд байгаа юм бэ. Нүүрс зогсвол бид байхгүй. Тиймээс нүүрснээс орж ирж байгаа мөнгөөрөө баялаг бүтээдэг болох хэрэгтэй шүү дээ. Улстөрчид ингэж, тэгж өгье гэхээр ард түмэн авъя гэхээс яах юм бэ. Бид улс орныг чиглүүлэх гэж энд сууж байгаагаас суудлын төлөө биш шүү дээ. Яг ийм халамж ярьдаг, орж ирсэн мөнгөө ялгадас болгох сэтгэхүйтэй байвал Монгол хэзээ ч хөгжихгүй." гэв.