УИХ-ын гишүүн Х.Болормаа, Ж.Алдаржавхлан нар  Засаг дарга байхдаа төсвийн 400 гаруй сая төгрөгөөр ахмадуудад хүндэтгэл үзүүлэх нэрийдлээр зарцуулжээ.

Тодруулбал, Шилэн дансан дээр байршуулсан мэдээллээр энэ оны хоёрдугаар сард Х.Болормаа СБД-ийн Засаг дарга байхдаа төсвийн 204 сая төгрөг, Ж.Алдаржавхлан  ХУД-ийн Засаг дарга 219 сая төгрөгийг "Ахмад настанд хүндэтгэл үзүүлнэ" гэж зарцуулжээ.

Түүнээс гадна ХУД-ийн ЗДТГ-аас дүүргийн Ахмадын хороонд сар бүр 28 сая төгрөгийн санхүүжилт олгодог бол СБД-ийн ЗДТГ-аас 25 сая төгрөгийг тус тус олгодог байна. Өөрөөр хэлбэл, дүүрэг болгон жилд 400 орчим сая төгрөгийг тус хороод олгодог гэсэн үг.

Гэтэл дүүргийн засаг дарга нар сонгуулийн жилд ахмадуудын бэлэг сэлтэд ийм их хэмжээний мөнгө зарцуулсан нь олны анхаарлыг татаж буй.