УИХ-ын чуулганы нэгдсэн хуралдаан үргэлжилж байна.

Хуралдааны эхэнд УИХ-ын дарга Д.Амарбаясгалан ирцийн мэдээллийг танилцуулахдаа "Хуралдаанд оролцох 126 гишүүнээс 70 нь ирж, ирц 55.6 хувьтай байна. Өнөөдрөөс эхлэн ирцийн мэдээллийг тухай бүрд нь parliament.mn сайтаар нийтэд нээлттэй мэдээлж эхэлсэн" гэж мэдэгдсэн юм.

Тодруулбал, өнөөдрийн чуулганы хуралдааныг Ж.Энхбаяр, С.Эрдэнэбат, Ж.Чинбүрэн, Л.Гантөмөр, Г.Хосбаяр, Ч.Ундрам, Х.Болормаа нарын 20 гаруй гишүүн тасалжээ. 

Монгол Улсын Их Хурлын 2024 оны намрын ээлжит чуулганы нэгдсэн хуралдааны 10 дугаар сарын 17-ны өдрийн ирцийн мэдээг эндээс үзнэ үү.