УИХ-ын ээлжит бус чуулган үргэлжилж байна. Ерөнхий сайд Л.Оюун-Эрдэнэ ЗГ-ын 2024-2028 оны үйл ажиллагааны хөтөлбөрийг танилцуулсан бөгөөд гишүүдийн асуултад хариулж байна.

Энэ үеэгр УИХ-ын гишүүн Ж.Бат-Эрдэнэ: Хүн л юм болохоор сонгогдсон тойрогтоо мөнгө тавиулахыг л бодно. Энэ танхимд сайхан зүйл ярьдаг, очоод сайд нартай нь уулзахаар далий юм ярьдаг. Та сая "Бүсчилсэн хөгжлийг гишүүд зөв харж эхэллээ" гэж байна. Бодит байдал дээр бас худлаа.

Ерөнхий сайд Л.Оюун-Эрдэнэ:  Уламжлалт байдлаараа зарим гишүүд "Манай аймаг, тойрогт ийм зүйлийн хөрөнгө шийдээд өгчих" гэдэг зүйлээсээ 2025 онд татгалзчих. Бүгд ярьж байгаа шиг ээ байя. Хөшигний цаана өөр зүйл ярихгүй байя.