Татвар төлөгчдийн мөнгөөр хийсэн 4,7 км замын нээлтэд УИХ-ын гишүүн Э.Бат-Амгалан “тууз“ хайчлав.

Тодруулбал, өнгөрсөн амралтын өдөр Гачууртын эцсээс Гялалзахын энгэр хүртэл 4,7 км замыг төсвийн хөрөнгөөр барьж, ашиглалтад оруулах үеэр Э.Бат-Амгалан гишүүн тууз хайчлав. Нээлтийн үйл ажиллагаанд УИХ-ын гишүүн Э.Бат-Амгалан, 20 дугаар хорооны Засаг дарга Ц.Гомбосүрэн болон холбогдох албаныхан оролцсон энэхүү зургийг олон хүмүүс шоолж байна.

Татвар төлөгчдийн мөнгөөр хийсэн замын хажууд өөрийнхөө дэмжлэг авах хэрэгсэл болгон ашигласан  самбар ч босгосон нь ийнхүү шоолоход хүргэж байна.

Тун удахгүй жижиг төсвийн ажил болгоноор тууз хайчлах өвчин эргэн сэдрэх бололтой.