Мал амьтны эрүүл мэндийн тухай хуульд өөрчлөлт оруулах тухай хуулийг УИХ хэлэлцэж байна. 

Энэ үеэр ХХААХҮ-ийн сайд Х.Болорчулуун малын эм, вакцинжуулалтын талаар дараах байр суурийг илэрхийллээ. Тэрээр "Яам өмнө нь зөвхөн бодлого хэрэгжилтийн яам байсан. Мэргэжлийн хяналт татан буугдаад бодлого, хэрэгжилт, хяналтыг цогцоор нь явуулах шаардлагатай болсон. Ингэснээр ажлын ахиц гарах нь ойлгомжтой. 70 сая малыг эрүүлжүүлэх боломжгүй гэж орхиж хэрхэвч болохгүй. Боломжтой байлгахын төлөө бид ажиллах ёстой. Харамч хүн хоёр төлнө гэгчээр мал эмнэлгийн эм, тарианы санхүүжилтийг хасчихсан байсан. Тэгвэл энэ жил гэхэд 45 тэрбум төгрөгийг эм, тарианы санхүүжилт дээр тавьсан. Энэ ажлууд үр дүнд хүрнэ. 

Мал, махаа эрүүл болгох бодлого урсгалаараа явж ирсэн. Олон улсын жишгийн дагуу болгох, эрүүл бүсийг бий болгох ажлыг нэн түрүүнд хийх хэрэгтэй. Одоогийн экспортод гаргаж байгаа махны үнэ лангууны үнэндээ хүрэхгүй байна. Бүртгэл хяналт үхэр дээр ярьвал ээмэгжилтээр эхэлдэг. Цаашид бүхий л боломжоороо