УИХ-ын чуулганы нэгдсэн хуралдаан эхэллээ. Хуралдаанаар Монгол Улсын Үндсэн хуульд оруулах өөрчлөлтийн төслийн хоёр дахь хэлэлцүүлгийг хийж байна. 

Энэ үеэр УИХ-ын гишүүн Т.Доржханд "Бид зөвхөн өнгөрсөн, бас өнөөдрөө харж шийдвэр гаргах бус ирээдүйгээ харж шийдвэр гаргах нь зүйтэй гэсэн байдлаар хандаж байсан. Гэхдээ УИХ, нэг намын шийдвэрээр дагаж явах учиргүй учраас ард иргэдийн саналыг тусгаад, мөн их хуралд суудалтай намуудын байр суурийг дэмжиж байна. 

Тиймээс энэ тоог буулгах юм бол өөрчлөлт хийгээд хэрэг байхгүй. Тэгсэн тохиолдолд өнөөдрийн хулгай, ядууралтайгаа л цааш явна гэсэн үг. Бодлого ярих ямар ч боломж байхгүй, хөгжил ярих ямар ч боломж байхгүй. Өнөөдрийн тогтолцоогоор  хоцрогдсон харанхуй, хөмөрсөн тогоон доторх хаалттай эдийн засагтай, ядуу буурай, авилгад идэгдсэн улс хэвээрээ л байна, өөрчлөгдөхгүй. Дахин тооны асуудал сөхөгдөж гарч ирэх юм бол ХҮН нам хүлээж авахгүй" гэв.