ӨнөөдөрШ.Раднаасэд: Миний охин өөр хэн нэгний охин болж төрсөн бол санаа нь амар байх л байсан байх
УИХ-ын гишүүн Ш.Раднаасэд өөрийн охин Р.Сийлэнг 2014 онд АНУ-ын Вашингтоны Их сургуульд Эрх зүйн чиглэлээр суралцуулахдаа Боловсролын зээлийн сангаас 165 мянган ам.долларын зээл аваад одоо хүртэл эргүүлэн төлөөгүй байна.
Энэ талаар УИХ-ын гишүүн Ш.Раднаасэд тайлбар өглөө.
Тэрбээр "Төрийн сургалтын сантай холбоотой асуудлаар тайлбар хийхгүй бол болохгүй байнаа. 2014 онд Монгол Улсын Ерөнхийлөгч Ц.Элбэгдорж дэлхийн шилдэг эхний 20 сургуульд тэнцсэн хүүхдүүдийн зардлыг төрөөс даана гэж зарлаад тэр жил охин минь дэлхийд эхний 9-т эрэмбэлэгдэх их сургуульд тэнцээд сураад сургуулийнхаа хамгийн шилдэг оюутан гэсэн талархлын бичигтэйгээр миний охин төгссөн. Төгсөөд АНУ болон Сингапурын компанид ажиллах санал ирсэн ч гэрээгээр хүлээсэн үүргийнхээ дагуу Монголдоо ирээд ажиллаж байгаа. 2014 онд би УИХ-ын гишүүн, төрийн өндөр албан тушаалтан биш …дугаар хорооны иргэн Ш.Раднаасэд байсан. Миний биш өөр хэн нэгний охин болж төрсөн бол охин минь санаа нь амар байх л байсан байхдаа гэж бодох юм" гэв.
Жирийн иргэний хүүхэд зээл авсан бол одоо ийм тайлбар хийгээд зогсохгүй байсан байх Ш.Раднаасэд гишүүн ээ.
