УИХ-ын Төрийн байгуулалтын байнгын хорооны хуралдаанаар МҮОНРТ-ийн Үндэсний зөвлөлийн гишүүнийг чөлөөлөх, томилох тухай асуудлыг хэлэлцэв. 

МҮОНРТ-ийн Үндэсний зөвлөлд Засгийн газраас нэр дэвшүүлсэн толмилуулсан хүмүүсийн бүрэн эрхийн хугацаа дууссан. Тиймээс дараагийн хүмүүсийг нь томилуулах саналаа Засгийн газар УИХ-ын Төрийн байгуулалтын байнгын хороонд хүргүүлсэн юм. Тодруулбал, "Мандал" санхүүгийн нэгдлийн ТУЗ-ийн гишүүн Н.Монсор, Мэдээлэл технологийн үндэсний паркийн захирал Ж.Золзаяа нарыг нэр дэвшүүлсэн. Нэр дэвшигчдийн сонсголыг өнгөрсөн дөрөвдүгээр сарын 24-нд зохион байгуулсан юм.

Төрийн байгуулалтын байнгын хорооны хуралдаанд оролцсон гишүүдийн олонх нь Н.Монсор, Ж.Золзаяа нарыг МҮОНРТ-ийн Үндэсний зөвлөлийн гишүүнээр томилохыг дэмжжээ.