Сонгуулийн тухай хуулийн нэмэлт өөрчлөлтөөр УИХ-ын гишүүдийн тоог 152 болгох асуудал яригдаж байгаа. Энэ асуудлын талаар УИХ-ын гишүүн Т.Доржханд байр сууриа илэрхийллээ.

Тэрбээр "Бурханы тоо 108, гоё тоо 99 огт байж болохгүй. 152 буюу одоогийн 76+76 байх нь үндэслэлтэй гэж маш олон судлаачдын байр суурь байгаа. Бид бас ижилхэн байр сууртай байгаа. Одоогийн 76 дотор төлөөллүүд багтахгүй байгаа юм. Залуучуудын төлөөлөл байна уу, эмэгтэйчүүдийн төлөөлөл хангалттай байна уу, эмч, багш нар, инженер, малчдын төлөөлөл байна уу гэдгийг авч үзэх хэрэгтэй. Ядаж хөгжлийн бэрхшээлтэй хүн дэвшиж байна уу гэх мэтчилэн төлөөллүүдийн оролцоог хангахад УИХ-ын гишүүдийн тоог зайлшгүй нэмэх шаардлагатай байна." гэв.