Эдүгээ Хөгжлийн банкны асуудлаар дөрөв, нүүрсний хэргээр хоёр гишүүн яллагдагчаар татагдаад буй.

Гэтэл нүүрсний хэрэгт нэр холбогдож, яллагдагчаар татагдсан УИХ-ын гишүүн Ж.Мөнхбат "УИХ-ын гишүүний бүрэн эрхээсээ түдгэлзэх" хүсэлтийг УИХ-ын дарга Г.Занданшатарт өгсөн нь өнөөдрийн гол дуулиант сэдэв болж байна.

Эрх баригч намын зүгээс бусад улс төрийн намуудтай хамтрах замаар Үндсэн хуульд нэмэлт өөрчлөлт оруулах ажлыг эхлүүлээд байсан. Ийм чухал үед Ж.Мөнхбат гишүүн гэнэтхэн чөлөөлөгдөх хүсэлтээ өгсөн нь МАН-ын ҮХНӨ-ийг “бойкотлосон" явдал гэж харж болохоор байна. 

Учир нь УИХ-ын гишүүний татгалзах хүсэлтийг хүлээн авсан тохиолдолд түүний оронд гишүүн сонгогдох хүртэл ҮХНӨ хийх боломжгүй болох юм.