УИХ-ын гишүүн Т.Доржханд мэдээлэл хийлээ.

Тэрбээр " Нүүрсний тээврийн бизнес гэж байна. Онгоцны тарифаар нүүрсийг зөөсөн байна. Манай ердөө 30 км замд 1 тонн нүүрсийг 400 доллароор тээвэрлэсэн гэдэг нь үнэн. Энэ бол бүр онгоцны үнээр биш бизнес классын үнээр зөөсөн болж байна. Энэ асуудлыг шийдэхгүй бол Монгол Улс нүүрсний зах зээлээс арчигдана. Дарга нар,  УИХ-ын гишүүн байсан нөхдүүд тээвэр хийж, ашгаа тэндээс авч байна. Худалдан авагч Хятадын талын ард ч манай эрх мэдэлтэй нөхдүүд байгаа гэж би итгэж байна. Харагдах байдалдаа Хятад компани байгаа ч ард нь манай дарга нар байна. Тиймээс энэ асуудлыг зогсоож шийдвэрлэхгүй бол экспортын орлого байхгүй. Хамгийн их экспорт хийдэг чинь нүүрсний салбар. Гэтэл би орлогоо олж чадахгүй. Төмөр замаараа ч тээврээ хийж чадахгүй байна.

Төмөр замын хулгай байна. "Эрдэнэставантолгой"-н эх үүсвэрээр санхүүжилтийг нь хямдхан авч байна. Зах зээлийн үнээс 10-20 хувь хямд авчихаад түүнийгээ нууцалж байна. Цаашаа хамгийн багадаа 30-40 их наядын хулгай хийгдсэн байна. Үүнийг УИХ-д нээлттэй ил тод хэлэлцье. Арга хэмжээ авахгүй байгаа хуулийн байгууллагад шахалт үзүүлье. Нууцлаад байгаа гэрээнүүдийг ил болгоё" гэлээ.