АТГ-аас УИХ-ын гишүүдийн 2021 онд мэдүүлсэн хөрөнгө орлогын мэдүүлгийг ил болгожээ. Эндээс бид УИХ-ын 76 гишүүний ХОМ-ийг хэрхэн өөрчлөгдсөнийг гишүүн тус бүрээр  хүргэж байна. 

Бусдад бэлгийн дарамт үзүүлсэн, хүчирхийлэл үйлдсэн хэрэгт нэр холбогдож, хуулийн байгууллагад данслагдсан гишүүдийн нэг бол  Ц.Анандбазар. 

УИХ-ын гишүүн Ц.Анандбазар жилийн 49 сая төгрөгийн орлого олсон ч дансан дахь мөнгө нь 12 сая төгрөгөөс 3 тэрбум 402 сая төгрөг болон өссөн байх юм. Олсон орлого, хуримтлуулсан хөрөнгө хоёр нь тэнгэр газар шиг ялгаатай байгаа юм.

Тэрээр хөрөнгө орлогын мэдүүлэгтээ  2 амины, нэг нийтийн орон сууцтай бөгөөд үнэлгээ нь 7 тэрбум 680 сая төгрөг. Тусгай зориулалтын машин Mercedes Benz, Toyota Alphard, Toyota Land Cruiser 200, Lexus, 570 загварын дөрвөн машинтай. Эдгээр нь 953 сая төгрөгөөр үнэлэгдэж байна.

Гишүүдээс малын тоогоор мөн л дээгүүрт бичигдсэн бөгөөд ХО-ын мэдүүлэгтээ 805 хонь, 294 ямаа, 104 үхэр, 372 адуу, хуррдан удмын 16 адуутай хэмээн мэдүүлжээ. Малын нийт үнэлгээ нь 1 тэрбум 312 сая төгрөг байна.

Харин 800 сая төгрөгийн үнэт эдлэлтэй,  336 сая төгрөгийн авлагатай гэж тус тус мэдүүлжээ. 

Мөн  Эрдэнэт ОЙЛ ХХК, СодМонгол Газ ХХК, Бэрс-Дизайн ХХК, ШТС ХХК, Сайншанд Рефайнери ХХК, Эс Эм Жи Ойл энд Газ ХХК, ШинэСоёмбо ХХК, Алханатрейд ХХК, МэргэВан ХХК, Сод Монгол групп ХХК-иудад 47-оос дээш хувиар хувь эзэмшиж байна.