Хуулиар Үнэ бууруулах боломжийн талаар хэлэлцэв

админ
2022 оны 4 сарын 14

Arslan.mn

УИХ-аар Олон улсын хямралт нөхцөл байдлаас үүдэлтэй гол нэр төрлийн бараа бүтээгдэхүүний үнийн өсөлт, хомсдолоос сэргийлэх, сөрөг нөлөөллийг бууруулах тухай хуулийн төслийг хэлэлцэж байгаатай холбогдуулан УИХ-ын дарга Г.Занданшатар өнөөдөр /2022.04.13/ үйлдвэрлэл эрхлэгчдийн төлөөлөлтэй уулзаж, гол нэрийн бараа бүтээгдэхүүний үнийг бууруулах боломж шийдэл, гарцын талаар санал солилцлоо.

D-parliament цахим системээр дамжуулан уг хуулийн төсөлд иргэдийн ирүүлсэн саналыг  багцалж төсөлд тусгах чиглэлийг  ажлын хэсэгт өгч, иргэдийн хүсэлтийн дагуу өнөөдрийн уулзалтыг зохион байгуулав.  Тухайлбал иргэд үйлдвэрлэгчдэд зээл олгохдоо одоогийн үнийг  буулгаж, тодорхой хугацаанд барих шаардлагатай гэсэн болзолтойгоор зээлийг олгох нь зөв гэсэн саналыг  ирүүлсэн талаар УИХ-ын дарга хэллээ. 

Arslan.mn

Уулзалтад гурил үйлдвэрлэгчид болон тариалан эрхлэгчдийн холбооны төлөөллөөс гадна УИХ-ын гишүүн Т.Энхтүвшин, Г.Ганболд, Монголбанкны Ерөнхийлөгч Б.Лхагвасүрэн, ХХААХҮ-ийн сайд З.Мэндсайхан нар оролцож, хэлэлцэж буй хуулийн төсөлд гол нэрийн бараа бүтээгдэхүүний үнийн өсөлт, хомсдолоос сэргийлэх, сөрөг нөлөөллийг бууруулах талаар ямар асуудал, шийдэл тусгагдсаныг танилцуулав.

Arslan.mn

ХХААХҮЯ-наас өгсөн мэдээллээр өнгөрсөн намар нөөцийн мах бүрдүүлэх чиглэлээр 23 аж ахуйн нэгжид 100 тэрбум төгрөгийн хөнгөлөлттэй зээл олгож, нийт 12,7 мянган тонн махыг нөөцөлсөн байна. 3-р сарын 25-ны өдрөөс эхлэн худалдан борлуулж эхлээд байгаа аж.  Нийслэлд 400 гаруй хүнсний дэлгүүрт үхрийн мах нэг килограмм нь  8900 төгрөгөөр, хонины мах 8300, ямааны мах 7100 төгрөгөөр зарагдаж байгаа гэлээ. Цаашдаа үнийг бууруулахын тулд нөөцийн махыг жижиглэнгээр бус гулуузаар нь борлуулбал дээр дурдсан үнийг 1000 төгрөгөөр бууруулах боломжтой гэж Махны холбооны төлөөлөл байр сууриа илэрхийлсэн. Харин гурилын  тухайд үнэ харьцангуй тогтвортой байгаа бөгөөд  цаашид улаан буудайн үнээс шалтгаалах учраас шатахууны үнэ тогтвортой байлгахад анхаарч өгөхийг   үйлдвэрлэгчдийн төлөөлөл хэлэв.

Arslan.mn

Уулзалтын төгсгөлд УИХ-ын дарга Г. Занданшатар хэлсэн үгэндээ,  цахилгааны зардал дээр дэмжлэг үзүүлэх, шатахууны үнийг аль болох тогтвортой байлгаж, бууруулах зэрэг саналуудыг судалж үзээд шийдэл гаргана  гэв. Мөн үндэслэлгүйгээр үнээ бууруул гэж аж ахуйн нэгжүүдийг шахахгүй. Харин аж ахуйн нэгжүүдийн өртөг, зардлыг бууруулах замаар ард иргэдийн хүнсний хангамжийг үнийн өсөлтөөс сэргийлэх алхмыг хамтдаа авч хэрэгжүүлье. Хаврын тариалалтаа дэмжье , экспортоо дэмжье, импортоо хэмнэе хэмээн уриалав гэж УИХ-ын Хэвлэл мэдээлэл, олон нийттэй харилцах хэлтсээс мэдээлэв.

Мэдээнд өгөх таны үнэлгээ?
Like an post Love an post
haha an post
wow an post
yay an post
sad an post
ouch an post
confuse an post
angry an post
636051
0 эможи

Зочин
2022-04-14 09:06
үнэ тогтворжуулах нэрээр дотац өгч үр дүн гардаггүй шийдвэр гаргах нь дээр. Эрчим хүч, шатхуунд дотац өгч, мах гурил зэрэг хүнс үйлдвэрлэгчидэд дотац өгөхгүй байвал яасан юм. Төр эрчим хүч, шатахууны үнийг дотацаар барьж чадвал бусад барааны үнэ буурах биш үү. Импляц, ханшаа МБанк хамгаалах арга хэмжээ аваач.аваач. дайн, ковид руу заагаад байх шаардлаггүй.
keyboard_arrow_up