УИХ-ын Хууль зүйн байнгын хорооны хуралдаан үргэлжилж байна. Хуралдаанаар Зөрчлийн тухай хуульд нэмэлт, өөрчлөлт оруулах тухай хуулийн төслийг хэлэлцэж байна. 

Энэ үеэр УИХ-ын гишүүн Б.Дэлгэрсайхан "Жолооч нарыг торгуулиа төлөөгүй хүү боддог болох хэрэгтэй. Энэ бол барууны жишиг. Хэрэгжүүлэх арга замыг нь хийж өгөөгүйгээс болоод олон тэрбум төгрөг хуримтлагдсан. Сүүлдээ өршөөгөөд буян үйлдэж байгаа юм шиг, шал утгагүй. Тэгвэл хууль батлахын хэрэг байдаг юм уу. Тиймээс хуульд энэ бүхнийг нэг мөр оруулж өгөх хэрэгтэй. Торгуулиа энэ сард төлөхгүй бол нэмэгдэх нь гэдэг ойлголттой болж байж энэ хууль хэрэгжинэ. Иргэдэд ийм ухамсар суулгахгүй бол хэдэн жилийн дараа, дараагийн Засгийн газар гарч ирээд эсвэл сонгууль болохоор өршөөнө гэдэг хүлээлт байгаад байна." гэв.