УИХ-ын чуулганы хуралдаанаар Монгол Улсын 2022 оны нэгдсэн төсөв болон дагалдах хуулийн төслүүдийн анхны хэлэлцүүлгийг хийж байна. 

УИХ-ын гишүүд асуулт асууж, хариулт авч байна. Асуулгад Засгийн газар бүрэн бүрэлдэхүүнээрээ оролцож байна.

ХХААХҮ-ийн сайд З.Мэндсайхан: 2024 оноос өмнө Дархан, Ховдын аж үйлдвэрийн паркийг барьж дуусгана. Дарханд хувийн хэвшил өөрийн хөрөнгөөр дэд бүтэц хийсэн ч төр худалдаж авна. Тэд цаашид авч явахад хүндрэлтэй гэсэн. Дарханы арьс ширний үйлдвэрийг байгуулахын тулд манай яамны удирдлагууд Италид ажиллаад ирсэн. Италийн Экзим банкны охин компанитай хамтран төслийг  хэрэгжүүлнэ. Тэдэнд 33 хувийг эзэмшүүлнэ.