УИХ-ын чуулганы өнгөрсөн пүрэв  гарагийн хуралдаанаар Хөрөнгө оруулагчдын тухай хуулийг хэлэлцэх эсэхийг хэлэлцсэн бөгөөл уг хуулийн зарим заалт нь асуудал дагуулаад буй. Иргэд, олон нийтийн зүгээс ч мөн санаачилсан эрх бүхий гишүүдэд хатуухан зэмлэл цахим хуудсаар дайгаад буй. Гэтэл УИХ-ын гишүүн П.Анужин өөрийгөө энэхүү шүүмжлэлээс мулталж, уснаас хуурай гарахыг хүсчээ. Тэрээр санаачилсан хуулиа бүрэн уншаагүй, чуулганаар хэлэлцээд хоёр өдрийн дараа гарын үсэг зурахад байгаагүй заалт орж хэмээн өнөөдөр цахим хуудаснаа пост оруулжээ. 

Хууль санаачлагч нар бодит байдал дээр ямар нэгдэлгүй, хайхрамжгүй байгааг олон нийт энэхүү үйл явдлаас харсан биз ээ. Тэдний хувьд хууль санаачилсан гэх нэр зүүж "ПОПРОХ" нь л эн тэргүүнд байдаг хэмээн хардахаар байна. П.Анужингийн хувьд өнгөрсөн пүрэв, баасан гарагуудад чуулганы үеэр дорвитой юм хэлэлгүй дуугаа хураасан байсанаа өнөөдөр ням гарагт ийнхүү пост оруулсанд иргэд шүүмжлэлтэй, хэлбэрээ харуулж байна хэмээн үзжээ. 

Ингээд өнөөдөр цахим хуудаснаа УИХ-ын гишүүн П.Анужин хэрхэн өөрийгөө өмөөрч, бусад руугаа дайрсан пост оруулсаныг харуулья. Тэрээр 

"Хууль боловсруулагч Х. Ганхуяг болон боловсруулалцсан гишүүдээ! Улсын аюулгүй байдал, тусгаар тогтнол, газар нутаг, эв нэгдэл, үндэсний язгуур эрх ашгийг хөндсөн, ноцтой зүйл заалтыг бусад хууль санаачлагчтай огт зөвлөхгүй, нэг ч хуралдаж танилцуулалгүй Сэм оруулж, хөрөнгө оруулалтыг нэмэгдүүлэх учир шалтгааныг явцуу, хөгийн, ядмаг байдлаар томъёолон оруулж ирсэн, “Хуулийн хулгай”-аа эргүүлэн тат!!!

Хуулийн өөрчлөлтийг дэмжих гарын үсэг зурахад эдгээр зүйл заалт чинь байгаагүй шүү!!! Тийм учраас би Хулгай гэж хэлнэ!

Хөрөнгө оруулалтыг бодож буй шиг чинь яаран дааран мөнгө төгрөгний босго, оршин суух эрх ямбаар оролдож сэргээхгүй!!! Төрийн тогтвортой нээлттэй бодлого, авилгагүй засаг, импорт экспортын оновчтой зохицуулалт, шударга шүүх, эрх зүйн найдвартай орчныг бүрдүүлэх гээд жинхэнэ өөрчилж болох эрх уг нь чамд надад байсан! Харамсалтай нь чи, улсынхаа өнгө, хөгжлийг бодсон итгэлийг хөсөрдүүлж, ямар зүйл оруулах гэж буйгаа нэг ч хэлж хэлэлцэлгүй гэтэж мярайж, гэнэт оруулж ирлээ! Тийм ч учраас их хурлаар оруулж ирэхэд чинь миний бие саналаа өгөөгүй!!! Хэлэлцээд ч хэрэггүйг олон гишүүдэд уриалсан!" гэжээ.