УИХ-ын чуулганы нэгдсэн хуралдаан үргэлжилж байна. Хуралдаанаар 2021 оны төсвийн тодотголын төслийг хэлэлцэж байна. Хэлэлцэж буй асуудалтай холбогдуулан гишүүд асуулт асууж, хариулт авлаа.

УИХ-ын гишүүн Т.Доржханд : Төсвийн тодотголыг ярьж байгаа нь сайн. Ковидын үед Засгийн газар төсвөө өөрөө зохицуулаад зардлуудаа шилжүүлээд явж байсан. Энэ эрх мэдэлд УИХ, ард түмэнд байх ёстой. Олон олон тодотгол хийвэл төсвийн тодотголд муу. Нийт урсгал зардлын 2 төгрөг тутмын 1 нь халамж боллоо. Цаашид яах вэ. Нийт урсгал зардлын ихэнх нь халамж болчихлоо. Төсвийн шинэчлэлээ хэзээ хийх вэ. Төсөв одоогийн байдлаар уул уурхайгаас орж ирсэн мөнгийг тараадаг боллоо. 

Суурь үнийг чөлөөлнө гээд Эрдэнэтийн, төрийн өмчийн компаниудын мөнгийг төсвийн гадуур зарцуулдаг чинь хууль бус. Ковидын үе гээд чимээгүй яваад байлаа. Одоо болимоор байна. Хэтэрч байна.

Бизнесүүд, жижиг дунд үйлдвэрлэлүүд хаагдлаа. 10 их наяд гэж тараасан мөнгөнүүд чинь гацчихлаа. Халамжаас чинь болоод ажил эрхэлдэг хүмүүс байхгүй боллоо. Энэ бодлогоо өөрчлөхгүйгээр эдийн засаг сэргэж байна гэж ярьж болохгүй.