УИХ-ын Төрийн байгуулалтын байнгын хорооны өнөөдрийн хуралдаанаар Монгол Улсын Ерөнхийлөгчийн сонгуульд олонхийн санал авсан У.Хүрэлсүхийн Ерөнхийлөгчийн бүрэн эрхийг хүлээн зөвшөөрөх, Ерөнхийлөгчийн тангараг өргөх тов тогтоох асуудлыг хэлэлцсэн байна.

Тодруулбал, нэр дэвшигч У.Хүрэлсүхийг Монгол Улсын Ерөнхийлөгчөөр сонгогдсон гэж үзэж, бүрэн эрхийг нь хүлээн зөвшөөрөх тухай хууль батлахыг  хуралдаанд оролцсон 13 гишүүнээс 12 нь дэмжлээ.

Тангараг өргөх ёслолыг энэ сарын 25-ны өдрийн 11:45 цагт товлосон бөгөөд  тус асуудлыг өнөөдөр УИХ-ын чуулганы хуралдаанаар эцэслэн батална.