УИХ-ын чуулганы хуралдаанаар Хуульчийн эрх зүйн байдлын тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийн хэлэлцэх эсэхийг хэлэлцэж байна. Хууль зүй, дотоод хэргийн сайд Х.Нямбаатар төсөл санаачлагчийн илтгэлийг танилцууллаа.

Хэлэлцэж буй асуудалтай холбогдуулан гишүүд асуулт асууж, хариулт авч байна. 

УИХ-ын гишүүн Б.Энхбаяр: Хуульчдын холбооны Их хурлыг будлиантай зохион байгуулдаг. Хуульчдад нууц үг тараадаг юм. Тухайн нууц үгээ цуглуулж авдаг бөгөөд хэн хамгийн их цуглуулсан нь Ерөнхийлөгч болдог. Монголын хуульчдын холбоо ийм хуйвалдааны онолоор байгуулагдаж явж байна. Энэ асуудлыг эрүүлжүүлэх чиглэлээр хуулийн төсөлд нэг ч заалт алга. Хуульчдын холбоо олон нийтийн байгууллага. Дарга хэв шинж оруулахгүй гэдэг үүднээс ерөнхийлөгч нь 2 жил тутамд ротациар шинэчлэгдэж байдаг. Гэтэл үүнийг нь 4 жил болгоод бүх эрх мэдлийг ерөнхийлөгчид төвлөрүүлжээ.