УИХ-ын Төрийн байгуулалтын байнгын хороо мягмар гарагт хуралдаж, УИХ-ын сонгуулийн тухай хуулийн төслийн анхны хэлэлцүүлгийг хийж дэмжлээ.

1992, 2008 онд сонгууль явуулж байсан олон мандаттай, томсгосон тойрогтой, можаритор тогтолцоог сонгож, хуульдаа тусгахаар тогтоод байв. Том, жижиг тойрог хосолсон мажоритар тогтолцоо буюу "50+26" гэсэн хувилбар дэвшүүлээд байсныг ийнхүү өөрчилсөн юм.

Гишүүдийн өргөн мэдүүлсэн төсөлд сонгуулийн мөнгөн хандив нь иргэний хувьд гурван сая төгрөг хүртэл, хуулийн этгээдийн хувьд 15 сая төгрөг хүртэл байж болохоор тусгасан байна.

Үүнийг иргэний хувьд таван сая төгрөг хүртэл, хуулийн этгээдийн хувьд 20 сая төгрөг хүртэл болгож нэмэгдүүлэхийг дэмжжээ.