Өнөөдрийн чуулганы хуралдаанаар үргэлжлүүлэн СЗХ-ны дарга С.Даваасүрэн, Монголбанкны ерөнхийлөгч Н.Баяртсайхан нарыг чөлөөлөх асуудлыг хэлэлцэв. 

Хэлэлцэх асуудалтай холбогдуулан МАН-ын бүлгийн дарга Д.Тогтохсүрэн "Монголбанкны ерөнхийлөгч Н.Баяртсайхан, СЗХ-ны дарга С.Даваасүрэн нарыг чөлөөлөх асуудлаар МАН-ын бүлэг ажлын тав хоногийн завсарлага авах горимын санал гаргаж байна." гэв.

Ийнхүү УИХ-ын дарга Г.Занданшатар уг асуудлаар МАН-ын бүлэгт тав хоногийн завсарлага өгч, УИХ-ын чуулганы үдээс өмнөх хуралдаан  15.00 цаг хүртэл завсарлав.

Энэ хооронд УИХ-ын Эдийн засгийн байнгын хороо хуралдаж Ашигт малтмалын тухай хуульд нэмэлт, өөрчлөлт оруулах тухай хуулийн төслийг хэлэлцэх юм.

Чуулганы үдээс хойших хуралдаанаар Монгол Улсын 2020 оны Төсвийн тухай хуулийн төсөл болон дагалдах хуулийн төслүүдийг хэлэлцэнэ.