Монгол Улсын Их Хурлын дарга Г.Занданшатар “УИХ-ын ээлжит бус чуулган товлон зарлах тухай 2019 оны 165 дугаар захирамжид нэмэлт, өөрчлөлт оруулах тухай” захирамж гаргалаа.

Захирамжид “Монгол Улсын Их Хурлын даргын 2019 оны долдугаар сарын 4-ний өдрийн 165 дугаар захирамжийн 1 дэх хэсгийн “есдүгээр сарын 1-ний өдрүүдэд” гэснийг “есдүгээр сарын 30-ны өдрүүдэд” гэж өөрчилсүгэй” гэжээ.

Ийнхүү өмнөх захирамжаар 2019 оны есдүгээр сарын 1-н хүртэл хуралдахаар тогтоосон УИХ-ын ээлжит бус чуулганыг 2019 оны есдүгээр сарын 30-н хүртэл сунгасан байна.