Монгол Улсын Үндсэн хуульд оруулах нэмэлт, өөрчлөлтийн төслийн эхний хэлэлцүүлгийг өнгөрсөн сарын 18-нд дуусгаж, үргэлжлүүлэн хэлэлцэхийг дэмжсэн.  Харин төслийн хоёр, гуравдугаар хэлэлцүүлгийг ирэх сард хийхээр товлоод байгаа юм.

 Учир нь Монгол Улсын Ерөнхийлөгч 2019 оны 07 дугаар сарын 16-ны өдөр  төсөлтэй холбоотой саналаа Улсын Их Хуралд хүргүүлэхийн зэрэгцээ Монгол Улсын Үндсэн хуульд оруулах нэмэлт, өөрчлөлтийн төслийг өргөн мэдүүлсэн юм. 

Иймээс УИХ-ын гишүүд ирэх сарын 5-ныг хүртэл тойрогтоо ажиллаж, Ерөнхийлөгчийн өргөн мэдүүлсэн Үндсэн хуульд нэмэлт, өөрчлөлт оруулах төслийг иргэдэд танилцуулж, улмаар иргэдээс ирүүлсэн хамгийн их саналыг Үндсэн хуульд нэмэлт, өөрчлөлт оруулах хуулийн төсөлд тусгах аж.