УИХ-ын чуулганы хуралдаан завсарлалгүйгээр Үндсэн хуульд нэмэлт, өөрчлөлт оруулах хуулийн төслийг хэлэлцэж байна. Хэлэлцүүлэгтэй холбоотойгоор УИХ-ын гишүүдийн асуулт, тодруулга үргэлжилж байна.

УИХ-ын гишүүн Т.Аюурсайхан "Үндсэн хуулийн Цэцийн гишүүний бүрэн эрхийн хугацаа зургаан жил байдаг. Зургаан жилдээ сугардаггүй нэр авдаг. Гэтэл яагаад бүрэн эрхийн хугацааг нь 9 болгочихсон бэ. Мөн сонгуулийн тогтолцоог хуульд нэмэлт, өөрчлөлт оруулах шаардлага байсан уу." гэв.

Ажлын хэсэг, хуульч О.Мөнхсайхан "Нэг удаад л бүрэн эрхийн хугацаатай есөн жилээр томилогдохоор болж байгаа. Дахин сонгогдохгүй. Одоо бол дахин сонгогдоод 12 жил болж байгаа." гэв.