УИХ-ын даргын зөвлөлөөс баталдаг хэлэлцэх асуудлыг дараалалд Монгол Улсын Ерөнхийлөгчийн хоригийг хүлээж авсантай холбогдуулан Захиргааны ерөнхий хуульд өөрчлөлт оруулах тухай хуулийн төслийг хэлэлцэх асуудалд оруулсан байна. Уг асуудлыг зургаадугаар сарын 11-ний Мягмар гарагт Хууль зүйн байнгын хороогоор хэлэлцэх юм байна. Ингээд Пүрэв гарагийн нэгдсэн чуулганаар уг хуулийн төслийг үргэлжлүүлэн хэлэлцэхээр болжээ. 

Мөн зургаадугаар сарын 12-ны Лхагва гарагийн Аюулгүй байдал, гадаад бодлогын байнгын хорооны хуралд Гадаад харилцааны сайд Д.Цогбаатар 1992 оноос хойших хугацаанд Монгол Улсын Дипломат төлөөлөгчийн газрууд, тэдгээрийн ажилтнууд нэр холбогдсон хар тамхи болон бусад хэрэг зөрчлийн талаар мэдээлэл хийх юм байна.