УИХ-ын чуулганы пүрэв гаригийн нэгдсэн хуралдаан үргэлжилж байна.  Өнөөдрийн чуулганы хуралдааны танхимд Ардчилсан намын зөвлөлөөс лоозонгууд байршуулжээ. Сөрөг хүчин болох Ардчилсан нам өнөөдрөөс эхлэн бүтэн сарын хугацаанд Засгийн газрыг огцруулахын төлөө акц зохион байгуулж байгаа аж. 

Лоозонгуудад "Авлигачин сайдаа шалга! 10 сая доллар, 1,2 сая евро!", "Авлигатай, аллагатай, хулгайтай ПОП засгийн газар огцор!",  "Дарга нарын тансаглалыг ард түмний татварын мөнгөөр төлдгөө зогсоо", "Төвсийн алдагдал 7 их наядын өрийг хэн хариуцах вэ?", "Ард түмэн үнэ, валютын ханшийн өсөлтөд дарлуулж цөхөрч байна" гэх мэтээр бичжээ.