Монгол Улсын Их Хурлын чуулганы хуралдааны дэгийн тухай хуулийг 2007 онд батлан хэрэгжүүлснээс хойш 21 удаа нэмэлт, өөрчлөлт оруулж байжээ.

УИХ-ын гишүүн С.Бямбацогт энэ талаар “Ирэх хаврын чуулганаар нэмэлт өөрчлөлт орох уг хуулиар чуулганы хуралдаанд тайлбар хийж, асуултад хариулж байгаа аливаа албан тушаалтан зөвхөн бодитой, үнэн зөв мэдээлэл өгөх, асуултад бүрэн дүүрэн хариулахыг хуульчилж өглөө. Хэрэв холбогдох албан тушаалтан Улсын Их Хуралд худал мэдээлэл өгсөн бол түүнд хуулийн хариуцлага тооцох асуудлыг Дэгийн хуульд нэмж тодотгосон болно. Ийнхүү Дэгийн хууль өмнөхөөсөө дээрдсэн үү гэвэл дээрдсэн. Гэхдээ хэлэлцүүлгийн явцад батлагдаагүй гээгдсэн олон чухал заалт бас бий” гэв.