УИХ-ын чуулганы нэгдсэн хуралдаанаар хаврын ээлжит чуулганаар хэлэлцэх асуудлын тухай тогтоолын төслийг хэлэлцлээ. Хэлэлцэх асуудлын жагсаалтыг УИХ-ын Төрийн байгуулалтын байнгын хорооны дарга Д.Лүндээжанцан уншиж танилцуулсан юм.

Тухайлбал, ирэх хаврын ээлжит чуулганаар Үндсэн хуульд нэмэлт өөрчлөлт оруулах тухай, Сонгуулийн тухай хуульд өөрчлөлт оруулахаар багтаажээ. Түүнчлэн Улс төрийн намын тухай хууль, Татварын ерөнхий хуулийн шинэчилсэн найруулга зэрэг 30 гаруй хууль, тогтоолын төслийг хэлэлцэх юм байна.