УИХ-ын чуулганы нэгдсэн хуралдан хуваарийн дагуу өнөөдөр 10:00 цагаас эхлэх ёстой. Гэвч гишүүдийн ирц бүрдээгүй учир чуулганы хуралдаан одоо болтол эхлээгүй байна. 

Яг одоогийн байдлаар чуулганы танхимд 36 гишүүн байгаа бөгөөд ирц 48 хувьтай байна. 

МАН-ынхны тухайд Засгийн газрыг огцруулахыг дэмжсэн гишүүд бүгд ирсэн бололтой. Харин 33-ын бүлгийнхэн одоо болтол алга. 

АН-ынхны хувьд чуулганы танхимд Д.Пүрэвдорж,С.Санжмятав нарын гишүүдээс бусад нь байхгүй. З.Нарантуяа, Д.Эрдэнэбат нар өглөө ирцэнд орсон ч чуулганы танхимаас гарч явсан байна.

УИХ-ын дарга өглөө ирцэнд орсон гишүүдийг танхимд орж ирэхгүй бол 11:30 цагт чуулганыг эхлүүллээ гэж мэдэгдлээ.