Чуулганы нэгдсэн хуралдаанаар УИХ-ын сонгуулийн 42 дугаар тойргын нөхөн сонгуулийн товыг тогтоох тухай асуудлыг хэлэлцлээ. Сонгуулийн ерөнхий хороо Сонгуулийн тухай хуульд заасны дагуу ирэх аравдугаар сарын 7-нд нөхөн сонгууль явуулах санал гаргасныг Төрийн байгуулалтын байнгын хороо дэмжээд байсан юм.

Нөхөн сонгуулийн зардал 228 сая төгрөгийг Засгийн газрын нөөц сангаас гаргахаар боллоо. 

Чуулганы нэгдсэн хуралдаанд оролцсон гишүүдийн олонхи нь уг саналыг дэмжин баталлаа. Ингэснээр УИХ ирэх намрын чуулганы эхэнд 76-уулаа болох нь.