УИХ-ын чуулганы нэгдсэн хуралдаанаар Засгийн газраас өргөн барьсан Гааль болон НӨАТ-аас чөлөөлөх тухай хуулийн төслийг хэлэлцлээ. Уг хуулийн төслийн агуулга нь Баруун бүсийн эрчим хүчний систем төрийн өмчит хувьцаат компанийн ОХУ, БНХАУ-аас авч байгаа цахилгаан эрчим хүчийг гааль болон НӨАТ-аас чөлөөлөх тухай юм. Хуулийн төсөлд дурдсанаар 2020 оныг дуустал гааль болон НӨАТ-аас чөлөөлөх ажээ. Уг хуулийн төслийг батлахыг чуулганы нэгдсэн хуралдаанд оролцсон гишүүдийн олонхи нь дэмжлээ. Энэхүү хуулийн төсөл 2018 оны нэгдүгээр сарын 1-нээс хэрэгжиж эхэлнэ гэдгийг Эрчим хүчний сайд Ц.Даваасүрэн хэллээ.