УИХ-ын чуулганы үдээс өмнөх хуралдаанаар Төрийн албаны тухай хуулийн шинэчилсэн найруулгын төслийн анхны хэлэлцүүлгийг хэлэлцсэн юм. Энэ үеэр УИХ-ын гишүүд саналаа хэлсэн бөгөөд гишүүдийн зүгээс “Төрийн албыг цомхон болгох” асуудлыг багагүй ярьж санал нэгдэж байв.

Тухайлбал УИХ-ын гишүүн Н.Учрал “Төрийн албыг цомхон болгох хэрэгтэй. Өнөөдөр төсвийн мөнгийг захиран зарцуулах асуудал маш муу байна” гэв.

Ж.Ганбаатар: Өнөөдөр монголын нийт ажилчдын 20 хувь нь төрийн албанд ажиллаж байна. Тиймээс энэ тоог бууруулах хэрэгтэй. Бусад улсад бол 10 хувь байхад хангалттай гэж үздэг жишиг бий” гэсэн юм.