УИХ-ын дөрвөн байнгын хороо өнөөдөр Төрийн ордонд хуралдана.

Төрийн байгуулалт, Хууль зүйн байнгын хороо үдээс өмнө хуралдаж, Монгол Улсын 2017 оны төсвийн тухай хуульд өөрчлөлт оруулах тухай, Нийгмийн даатгалын сангийн 2017 оны төсвийн тухай хуульд өөрчлөлт оруулах тухай хуулийн төслийн хоёр дахь хэлэлцүүлгийг хийж, санал дүгнэлтээ Төсвийн байнгын хороонд хүргүүлэх юм.

Үдээс хойш 14.00 цагаас Байгаль орчин, хүнс, хөдөө аж ахуй, Аюулгүй байдал, гадаад бодлогын байнгын хороо хуралдаж, мөн төсвийн тодотголын хоёр дахь хэлэлцүүлгийг хийх аж.