Улсын Их Хурлын чуулганы нэгдсэн хуралдаанаар Авлигатай тэмцэх үндэсний хөтөлбөр батлагдлаа. Ингэснээр Монгол Улс авлигатай тэмцэх бодлогоо тодорхойлж, албан ёсны баримт бичигтэй болсон байна. Өмнөх парламентад жил дарааллан дуншсан энэхүү бодлогын баримт бичгийг одоогийн УИХ ийнхүү баталжээ.

Хуралдаанаар Авлигатай тэмцэх, хариуцлага ёсыг бэхжүүлэх УИХ-ын тогтоолын төслийг хэлэлцэв. Гишүүд тус хөтөлбөрийн талаар өөрсдийн байр суурийг илэрхийлж, улмаар уг санал хураалтад 45 гишүүн оролцсоноор 91.1 хувиар дэмжиж тогтоолын төслийг баталлаа.