Өнгөрсөн хагас сарын хугацаанд ударлаагүй байсан Үйлдвэр, хөдөө аж ахуйн яамыг сайдтай болгох асуудлыг АН-ынхан Гүйцэтгэх зөвлөлийн хурлаараа ярилцаж, шийдвэр гаргасан байна. Тэрээр УИХ-ын гишүүн, Хууль зүйн байнгын хорооны дарга Ш.Түвдэндоржийг Үйлдвэр, хөдөө аж ахуйн сайдад нэр дэвшүүлэхээр санал нэгдсэн байна. Гүйцэтгэх зөвлөлийн энэ шийдвэрийг УИХ дахь АН-ын бүлэгт танилцуулж, холбогдох байнгын хороодоор хэлэлцүүлэн, эцсийн шийдвэр УИХ-ын чуулганаас гарах болсон аж.  

Энэ асуудалтай холбоотойгоор өнөөдрийн УИХ-ын нэгдсэн чуулганы завсарлагаагаар Ш.Түвдэндорж гишүүн ямар байр суурьтай байсныг тодрууллаа.

УИХ-ын гишүүн Ш.Түвдэндорж: Би ҮХАА-н сайдын ажлыг хүлээж авахад бэлэн байна. Одоо ҮХАА-н салбарт зогсонги байдалтай байгаа хүнд хөнгөн үйлдвэрийн ажлуудад гол анхаарлаа хандуулж ажиллах болно. Мөн  үйлдвэр хөдөө аж ахуйн салбарын хүрээнд Мал аж ахуй салбарыг анхааран ажиллаж болно гэдгээ хэллээ.