Arslan.mn - Мэдээний хаан

УИХ-ын намрын ээлжит чуулган өнөөдөр 10:00 цагаас нээлтээ хийнэ. УИХ-ын дарга М.Энхболдын гаргасан захирамжийн дагуу 2016 оны намрын ээлжит чуулганы нэгдсэн хуралдаан долоо хоногийн пүрэв, баасан гаригт өглөө 10.00 цагт эхэлж, үдээс хойш 15.00 цагаас үргэлжлэх юм.

НАМЫН БҮЛЭГ, АЖЛЫН ХЭСЭГ, БАЙНГЫН, ДЭД ХОРООНЫ БОЛОН НЭГДСЭН ХУРАЛДААНААР ХЭЛЭЛЦЭХ АСУУДАЛ, ХУВААРЬ

НЭГ.ЧУУЛГАНЫ НЭГДСЭН ХУРАЛДААН:

10.00 цагаас:

-Улсын Их Хурлын намрын ээлжит чуулганы нээлт.

ХОЁР.УЛСЫН ИХ ХУРАЛ ДАХЬ НАМЫН БҮЛГИЙН ХУРАЛДААН: /Нээлтийн дараа/

-Улсын Их Хурал дахь Монгол Ардын намын бүлгийн хуралдаан “Жанжин Д.Сүхбаатар” танхимд;

-Улсын Их Хурал дахь Ардчилсан намын бүлгийн хуралдаан “Их эзэн Чингис хаан” танхимд.

ГУРАВ.АЖЛЫН ХЭСГИЙН ХУРАЛДААН:

-Гэр бүлийн хүчирхийлэлтэй тэмцэх тухай хуулийн шинэчилсэн найруулгын төсөл болон холбогдох бусад хуулийн төслийг хэлэлцүүлэгт бэлтгэх үүрэг бүхий Хууль зүйн байнгын хорооны ажлын дэд хэсгийн хуралдаан 10.30 цагаас 334 тоот өрөөнд.

-НАМРЫН ЭЭЛЖИТ ЧУУЛГАНААР ХЭЛЭЛЦЭХ АСУУДЛУУД-

-Монгол Улсын 2017 оны төсвийн тухай хуулийн төсөл;

-Хүний хөгжил сангийн 2017 оны төсвийн тухай хуулийн төсөл;

-Нийгмийн даатгалын сангийн 2017 оны төсвийн тухай хуулийн төсөл;

-“Монгол Улсын эдийн засаг, нийгмийг 2017 онд хөгжүүлэх үндсэн чиглэл батлах тухай” Улсын Их Хурлын тогтоолын төсөл;

-“Төрөөс мөнгөний бодлогын талаар 2017 онд баримтлах үндсэн чиглэл батлах тухай” Улсын Их Хурлын тогтоолын төсөл;

-Эрүүгийн хэрэг хянан шийдвэрлэх тухай хуулийн төсөл;

-Хууль сахиулах ажиллагааны тухай хуулийн төсөл;

-Прокурорын байгууллагын тухай хуулийн төсөл;

-Шүүхийн шийдвэр гүйцэтгэх тухай хуулийн төсөл;

-Гэр бүлийн хүчирхийлэлтэй тэмцэх тухай хуулийн төсөл;

-Эрүүгийн хуульд нэмэлт, өөрчлөлт оруулах тухай хуулийн төсөл;