УИХ-ын чуулганы үдээс хойшхи хуралдааны цагийг сунган Хууль сахиулах хууль болон холбогдох бусад хуулиудын төслийн ахны хэлэлцүүлгийг хийж байна. Өнөөдрийн үдээс өмнөх хуралдаанаар тус хуулийн анхны хэлэлцүүлгийг хийх байсан ч гишүүдийг ирц бүрдээгүйгээс хурлыг завсарлуулсан. Мөн одоо чуулганы танхимд 15 хүрэхгүй гишүүн хуралдаж байгаа бөгөөд гишүүдээ хуралд оролцохыг уриалсаар байна.

Мөн өчигдрийн хуралдаанд “Шударга ёс” эвсэл Үндсэн хуулийн цэцийн дүгнэлтийн асуудлаар завсарлага авсан. Тэгвэл УИХ-ын дарга З.Энхболд “Өнөөдөртөө энэ асуудалд нэгдсэн байр сууринд хүрч, маргааш өглөө гэхэд завсарлагааны хугацааг дуусгах” чиглэл өгөөд байгаа юм.