УИХ-ын гишүүн Л.Эрдэнэчимэгийг элдэв хэл аманд орооцолдох дуртай нэгэн гэж болно. Шанагаар гал унтраагч гэж хэсэг цоллуулсан тэрбээр нэг хэсэг туулайны анчин гэгдэж олон нийтийн шүүмжлэлийн бай болсон. Үүнээс өмнө шинэхэн бенз авсныгаа гайхууллаа гэж шүүмжлүүлээд авсан. Тэгвэл элдвийг сонирхож түүнээсээ болоод хэл аманд өртөж орхидог гишүүн маань хашраагүй бололтой шүхрийн спортоор хичээллэх болсон гэнэ. Тэр ч байтугай шүхэрчний гэрчилгээгээ гардан авчээ. Энэ талаар өөрийн цахим хуудснаа "Шүхэрчний гэрчилгээгээ гардан авлаа" хэмээн мэдээлжээ.