УИХ-ын нэгдсэн чуулганы хуралдаан 42 гишүүний ирцтэйгээр 9 цаг 20 минутанд эхэллээ. Хуралдааны эхэнд баталсан хуулиудын эцсийн найруулгыг сонсны дараа өнөөдийн  чуулганы хуралдаанаар хэлэлцэх 6 асуудлын эхний асуудал болох “Эдийн засгийг эрчимжүүлэх зарим арга хэмжээний тухай” Улсын Их Хурлын тогтоолын төсөл /Засгийн газар 2014.4.18-ны өдөр нэн яаралтай хэлэлцүүлэхээр өргөн мэдүүлсэн/ анхны хэлэлцүүлэгийг хийж байна.

Эдийн засгийн байнгын хорооны санал, дүгнэлтийг Улсын Их Хурлын  гишүүн Д.ЗОРИГТ танилцуулж байна.

“Эдийн засгийг эрчимжүүлэх зарим арга хэмжээний тухай” Улсын Их Хурлын тогтоолын төслийн талаар Эдийн засгийн байнгын хороос гаргасан зарчмын зөрүүтэй саналуудын талаар асуулт хариулт явагдаж байгаа бөгөөд нийт дэмжигдсэн 39 саналаас эхний 6 дэмжигдлээ.