Улсын Их Хурлын Хууль зүйн байнгын хороо чуулганы өчигдөрийн нэгдсэн хуралдааны дараа хуралдаж, Засгийн газрын гишүүн, Хууль зүйн сайд Х.Тэмүүжинг огцруулах тухай Улсын Их Хурлын гишүүн О.Баасанхүүгээс 2014 оны 4 дүгээр сарын 7-ны өдөр Улсын Их Хуралд өргөн мэдүүлсэн саналыг хэлэлцлээ.

Тус байнгын энэ асуудлыг 4 дүгээр сарын 14-ний өдрийн хуралдаанаараа хэлэлцэж эхэлсэн бөгөөд өнөөдрийн хуралдаанаа хаалттай горимоор үргэлжлүүлэн асуудлыг хэлэлцэж, хуралдаанд оролцсон гишүүдийн олонх нь Засгийн газрын гишүүн, Хууль зүйн сайд Х.Тэмүүжинг огцруулахыг дэмжсэн байна.

Засгийн газрын гишүүнийг огцруулах тухай асуудлыг чуулганы Баасан гарагийн нэгдсэн хуралдаанаар хэлэлцэж эцэслэн шийдвэрлэх юм.