Өнөөдрийн УИХ-ын нэгдсэн  чуулган УИХ-ын дарга хэлэлцэх асуудлуудыг баталснаар эхэллээ. Яг одоо хуралдаанаар  Эрүүгийн байцаан шийтгэх хуульд нэмэлт, өөрчлөлт оруулах тухай, Иргэний хэрэг шүүхэд хянан шийдвэрлэх тухай хуульд нэмэлт, өөрчлөлт оруулах тухай, Захиргааны хэрэг хянан шийдвэрлэх тухай хуульд нэмэлт, өөрчлөлт оруулах тухай хуулийн төслүүд /шүүхийн багц хуулийн хүрээнд шүүхэд хэрэг хувиарлах тухай,  анхны хэлэлцүүлэгийг хэлэлцэж байгаа бөгөөд  Хууль зүйн байнгын хорооны санал, дүгнэлтийг Улсын Их Хурлын гишүүн Д.БАТЦОГТ танилцуулж дууслаа. Харин дээрх хуулийн хэлэлцүүлэгтэй холбоотойгоор гишүүд өөрсдийн байр сууриа илэрхийлж эхэллээ. Тэрээр О.Баасанхүү гишүүний хэлснээр тагнадаггүй, чагнадаггүй хуультай болмоор байна. Салбарын сайд хүртэл тагнуулч гэж олон нийтэд зарлаад явж байгаа гэлээ.  Харин Эрүүгийн байцаан шийтгэх хуульд нэмэлт, өөрчлөлт оруулах тухай хуулийн төсөлд санал хураалт явуулж 38 гишүүн буюу 70.4 хувийн саналаар анхны хэлэлцүүлэг дэмжигдлээ.