УИХ-ын чуулганы үдээс хойших хуралдаан эхэллээ. Хуралдаанаар УИХ-ын Төрийн байгуулалтын байнгын хорооноос оруулж ирсэн Засгийн газрын тухай хуульд өөрчлөлт оруулах тухай болон холбогдох бусад хуулийн төслүүдийн анхны хэлэлцүүлгийг хийлээ. УИХ-ын Төрийн байгуулалтын байнгын хорооноос оруулж ирсэн Засгийн газрын тухай хуульд өөрчлөлт оруулах тухай болон холбогдох бусад хуулийн төслүүдийн хамтаар өчигдөр санал хураалгаж, шийдвэрлэсэн дэд сайд нарыг цомхотгох тухай саналыг хүчингүй болгох асуудал орж ирж байгаа юм. Гишүүд уг асуудлаар ихээхэн шүүмжлэлтэй хандаж, байнгын хороо хууль зөрчсөн гэх асуудлыг ярьж байна.