УИХ-ын чуулганы нэгдсэн хуралдаан нэг цагаар хоцорч эхэлсэн бөгөөд одоо  2015 оны төсвийн тодотгол болоод хамт өргөн мэдүүлэгдсэн хуулийн төслүүдийн анхны хэлэлцүүлгийг хийж байна. Энэ оны төсвийн тодотголын төслийг Ерөнхий сайд Ч.Сайханбилэг танилцуулаад, гишүүдийн асуултад хариулж байна.

Хуралдаанаар нийт 15 асуудлыг хэлэлцэхээр төлөвлөсөн бөгөөд  Гацууртын ордыг стратегийн ордод хамруулах эсэх тухай хуулийн төслийн анхны хэлэлцүүлгийг эхлэн хэлэлцэхээр байсан ч энэ асуудалд УИХ дахь МАХН-МҮАН-ын “Шударга ёс” эвслийн бүлэг завсарлага авсан юм.