Хууль зүйн байнгын хорооны өнөөдрийн хуралдаанаар Хүний эрхийн дэд хорооны даргыг томилох асуудлыг хэлэлцлээ. Байнгын хороодын дарга нар шинээр томилогдсны дараагаар УИХ-ын дэд хороодын дарга нарыг томилох асуудал яригдаж байгаа юм. Хууль зүйн байнгын хорооны хуралдаанаар Хүний эрхийн дэд хорооны даргын асуудлыг хэлэлцэхэд Ардын намын бүлгээс УИХ-ын гишүүн Ё.Отгонбаярыг дэвшүүллээ. Харин УИХ дахь “Шударга ёс” эвслийн бүлэг УИХ-ын гишүүн Ц.Оюунбаатарыг дэвшүүлсэн юм. Байнгын хорооны гишүүдийн олонхи нь УИХ-ын гишүүн Ё.Отгонбаярыг дэд хорооны даргад дэмжлээ.

Мөн байнгын хорооны хуралдаанаар Хуулийн этгээдийн улсын бүртгэлийн тухай хуулийн төслийн шинэчилсэн найруулгын эцсийн хэлэлцүүлгийг хийлээ. Гишүүдийн олонхи эцсийн хэлэлцүүлэгт шилжүүлэхийг дэмжсэн юм.