УИХ-ын чуулганы нэгдсэн хуралдааныг өнөөдөр 09.00 цагт зарласан ч дөнгөж сая эхэллээ. Дөнгөж сая хуралдсан УИХ-ын Аюулгүй байдал, гадаад бодлогын байнгын хорооны хуралдаанаар УИХ-ын гишүүн Ц.Цолмонг Батлан хамгаалахын сайдаар томилох тухай асуудлыг хэлэлцэн дэмжиж, чуулганы хуралдаанд оруулахаар болсон.  Мөн УИХ-ын Нийгмийн бодлого, боловсрол, соёл, шинжлэх ухааны байнгын хорооны хуралдаанаар МАХН-аас Батлан хамгаалахын сайдад нэр дэвшсэн Ц.Цолмон,  Эрүүл мэнд, спортын сайдад нэр дэвшсэн Г.Шийлэгдамба нарын асуудлыг хэлэлцсэн бөгөөд байнгын хорооны гишүүд дэмжиж УИХ-ын чуулганы хуралдаанд оруулахаар болсон.  Яг одоо УИХ-ын чуулганы хуралдаанд оруулаад байгаа хоёр сайдын асуудлыг хэлэлцэж байна. УИХ-ын гишүүд асуулт асууж эхлээд байна.