УИХ-ын өнгөрсөн баасан гаригт болсон чуулганы хуралдаанаар Монгол Улсын Засгийн газрын зарим гишүүдийг томилох, үүрэгт ажлаас нь чөлөөлөх тухай Монгол Улсын Их Хурлын тогтоолын төслийг хэлэлцэж байгаад завсарласан. Тэгвэл яг одоо УИХ-ын нэгдсэн чуулганаар сайд нарыг эхнээс нь томилж эхэлсэн бөгөөд хамгийн эхэнд Монгол улсын Засгийн газрын гишүүн, Монгол улсын сайд, Засгийн газрын хэрэг эрхлэх газрын даргаар С.Баярцогтыг УИХ-ын гишүүдийн 75 хувийн саналаар ЗГХЭГ-ын даргаар томиллоо.