УИХ-ын гишүүн О.Баасанхүү өнөөдөр УИХ-ын дарга З.Энхболдод Хууль зүйн сайд Х.Тэмүүжинг огцруулах тухай УИХ-ын тогтоолын төслийг өргөн барилаа. О.Баасанхүү гишүүн сайдыг хууль зөрчиж, хариуцлага алдсан, хариуцсан салбараа удирдах чадваргүй,

Засгийн газрын гишүүний ёс зүйн шаардлагыг хангахгүй гэсэн үндэслэлээр огцруулахыг шаардаж байгаа юм. Тэрбээр уг тогтоолын төслийг өнгөрөгч гуравдугаар сарын 26-нд өргөн барих гэсэн боловч УИХ-ын дарга өнөөдөр хүлээн авахаар цаг товлоод байсан юм. Тогтоолын төслийг өнөөдөр ийн хүлээн авснаар Байнгын хороо болон чуулганаар хэлэлцэх асуудлын дараалалд оруулж, хэлэлцүүлэх болж байна.