Саяхан хоёр хөршийн төрийн тэргүүн ирээд буцсаны дараагаас гурав дахь том гүүрний тэргүүнээ угтахад Засгийн газар бэлтгэж эхэлсэн тухай эх сурвалж мэдээлж байна. Тэр нь АНУ-ын ерөнхийлөгч Барак Обама.

Үүнийг Гадаад хэргийн яам, Монгол дахь Элчин сайдын яам ч нотолж байгаа бололтой.  Харин Обамагийн төлөвлөгөөг харвал тэрээр ирэх арваннэгдүгээр сард Хятад, Мьянмар, Австрали улсад айлчлахаар төлөвлөсөн талаар эх сурвалжууд дурдаж байна.

Тодруулбал, ирэх арваннэгдүгээр сарын 10-11-нд  манай урд хөршийн нийслэл Бээжин хотноо болох Ази номхон далайн орнуудын эдийн засгийн хамтын ажиллагааны дээд хэмжээний чуулганд тэрээр БНХАУ-ын дарга Си Зиньпиний урилгаар оролцох аж. Харин очихдоо, эсхүл буцах үедээ Барак Обама Монголд хэдэн цаг саатаад мордох магадлалтай байгаа аж.