БНХАУ-ын Элчин сайдын яамнаас БНХАУ-ын Ерөнхийлөгч Ши Жиньпиний Монгол Улсад хийж байгаа айлчлалын талаар илгээсэн захидлыг хүргүүлсэн байна. Тэрбээр энэхүү захидалдаа "БНХАУ-ын тал Монгол Улсыг Ази, Номхон далайн эдийн засгийн хамтын ажиллагааны байгууллагад нэгдэн

БНХАУ-ын Ерөнхийлөгч Ши Жиньпин гэргий Пөн Ли-Юанийн хамт Монгол Улсад хүрэлцэн ирлээ. Зургийг: М.Ганбаяр

орохыг дэмжинэ" гэж мэдэгджээ. Мөн хоёр улсын хамтын ажиллагааг хөгжүүлэх нөөц боломж их байгааг онцлоод "Өнөөдөр БНХАУ, Монгол Улсын харилцаа түүхийн шинэ гараан дээр ирээд байна" гэж мэдэгдсэн юм. Түүний хувьд 2008 онд БНХАУ-ын дэд Ерөнхийлөгч байхдаа Монгол Улсад айлчилж байв. Ши Жиньпин "Монгол Улс, БНХАУ-тай харилцаа, хамтын ажиллагаа хөгжүүлэх талаар өргөн хүрээнд нэгдсэн ойлголцолд хүрч гадаад бодлогынхоо тэргүүлэх чиглэл болгосон"-ыг онцолсон байна. Мөн хоёр улсын харилцааны талаар дөрвөн зүйлээр санал бодлоо хуваалцжээ. Тэрбээр найдвартай, хариуцлагатай стратегийн түнш байхыг мөн уриалсан байна. Түүнчлэн "Хоёр улс тус тусын язгуур эрх ашиг, хүсэл сонирхлыг дэмжих үндсэн дээр энх тайван, хөгжлийн замаар тогтвортой, амжилттай урагшлах нь бидний чин эрмэлзэл мөн" гэж Элчин сайдын яамаараа дамжуулсан захидалдаа дурджээ.Үүнээс гадна хоёр улсын эдийн засаг харилцан бие биенээ нөхөх чадвартай. Тиймээс хамтран хүртэж, хамтдаа хожихыг хичээдэг харилцан ашигтай түнш байх саналыг дэвшүүлсэн байна. Ингэхдээ "Хоёр улсын хооронд төмөр зам, авто замаар холбогдох, бүтээн байгуулалт, эрдэс баялгийн олборлолт, ашиглалт, гүн боловсруулалт зэрэг төслүүдийн хамтын ажиллагаанд нааштай ахиц гарч хамтын ажиллагааны давуу талыг эдийн засгийн үр өгөөж болгохыг БНХАУ-ын тал хүсч байна" гэжээ. Түүнчлэн БНХАУ-ын талаас Монголын талтай хэвлэл мэдээлэл, аялал жуулчлал, байгаль орчныг хамгаалах, хятад хэлний сургалт зэрэг салбарт үргэлжлүүлэн хамтран ажиллах боломжтой болохыг захидалдаа дурдсан байна. Эцэст нь БНХАУ-ын тал Монгол Улсын талаас дэвшүүлсэн “Зүүн хойд Азийн аюулгүй байдлын асуудлаарх Улаанбаатарын яриа хэлэлцээ” санаачлагыг чухалчлан үзэж энэ талаар Монголын талтай үргэлжлүүлэн хамтран ажиллах болно гэжээ.  - See more at: http://bloombergtv.mn/%D1%88%D0%B8-%D0%B6%D0%B8%D0%BD%D1%8C%D0%BF%D0%B8%D0%BD-%D1%85%D0%BE%D1%91%D1%80-%D1%83%D0%BB%D1%81%D1%8B%D0%BD-%D1%85%D0%B0%D0%BC%D1%82%D1%8B%D0%BD-%D0%B0%D0%B6%D0%B8%D0%BB%D0%BB%D0%B0%D0%B3%D0%B0%D0%B0%D0%B3-%D1%85%D3%A9%D0%B3%D0%B6%D2%AF%D2%AF%D0%BB%D1%8D%D1%85-%D0%BD%D3%A9%D3%A9%D1%86-%D0%B1%D0%BE%D0%BB%D0%BE%D0%BC%D0%B6-%D0%B8%D1%85-%D0%B1%D0%B0%D0%B9%D0%BD%D0%B0/#.dpuf